Bwin

Bwin官方网站

【十三短打】德国真系得!

【十三短打】德国真系得!
【Bwin】又系德国。今夏其中两个焦点赛事,U21欧国杯同埋洲际国家杯,决赛都有德国份,一队系未来,一队系二线(部份好快或者已经变咗一线),世界冠军好似好多货咁,犀利。 撰文:球十三

老老实实,呢篇文喺决赛后至出都得,但家阵抢闸出亦得。

德国啱啱喺洲际杯4强战以4:1K.O.咗之前一直表现讨好嘅墨西哥,唔好忘记,德国今届同夫添两字完全沾唔上边,而墨西哥个阵好强,「小豆」查维亚靴南迪斯、杜斯山度士同埋「Sam哥」奥祖亚等名将都在阵,世上冇几多队可以大炒佢哋4:1。德国埋门把握好,除咗路维用兵坚,教球员射波嘅传奇射手高路斯应记一功。

今场德国英雄当然系梅开二度嘅哥列斯卡,佢得到主帅路维大赞,心水清嘅球迷,或者有留意路维喺今届赛事赞嘅人几乎场场唔同,就咁数,已经有同样入3球领先射手榜嘅哥列斯卡、迪姆华拿,仲有分组赛对智利扳平嘅史甸度都有好表现。

就算德国到决赛再斗智利不幸失利,敢断言以人脚论,德国今届已经系大成功。再睇德国U21将于今日决赛斗西班牙,一班小将准备好晒接棒,后生、2线兵都交足货,呢个夏天「un un 脚」嘅一班大哥应该感到后浪涌至,唔发奋至奇,路维肯定饮得杯落。

近代世界杯盟主,即系法国、意大利、西班牙都好似中晒咒,喺世杯卫冕路碰壁,全部分组赛出局,横睇掂睇以德国现有人脚选择,仲有路维领军逢大赛至少入4强,实在唔似会重蹈覆辙。风水佬呃你十年八年,队波系咪真系好「德」,1年后就有答案。

撰文:球十三

足球迷叫第十二人,冇偏爱,冷眼旁观系十三。

email:[email protected]

欢迎浏览球十三fb专页,若得到波友一个like,就是我们团队的一大鼓舞:

www.facebook.com/ballthirteen

图片来源 : 互联网

Related Posts

发表评论

电子邮件地址不会被公开。 必填项已用*标注